Ekainaren 2an, zapatua, goizeko zortzietan abiatuko da Garibaitik Beteranoen martxa. Urdaibai inguruan egindako ibilaldiaren ostean lasai bazkaltzeko denbora izango dute txangoko partaideek; Mundakatik itzulera 19:00etan izango da.
Izen ematea
Beteranoen martxan izena emateko azken eguna maiatzak 22 izango da. Hala ere, plazak mugatuak direnez, izena lehenbailehen ematea gomendatu dute antolatzaileek.
Aurtengo prezioak:
- Bazkide eta Federatu: 46 euro
- Bazkide ez Federatu/Federatu ez Bazkide: 48 euro
- Ez bazkide, ez Federatu: 51 euro
Ordainketa ES11 3035 0001 5900 1013 3101 kontu korronte zenbakian egin beharko da. Behin ordainketa eginda, beharrezkoa da Besaide M.E.tik pasatzea datuak emateko, maiatzaren 8an, 10ean, 15ean, 17an edo 22an, -19:30etatik 20:30etara-. Erreserba ez da ontzat emango datuak eta ordain agiria Besaidera eraman arte.