Iturripen jokatu dituzte asteburuan kadete mailako Euskadiko Txapelketako lauko finalak, gizonezkoen eta emakumezkoen mailetan eta tartean zen Ointxe! Araski. Atzo Easoren kontrako finalerdia aise irabazi ondoren, Loiolaren kontra jokatu dute arrasatearrek gaur finala. Eta lehiatua izan da oso. Hasieran aurrea hartu dute arrasatearrek markagailuan baina atsedenaldiaren ondoren, Loiolako neskek euren kalitatea erakutsi dute. Azken laurdenean, partidua bukatzeko sei minuturen faltan, sei puntu aurretik ziren loiolarrak. Egoera hori izanik, Ointxe! Araskiri bere nortasuna ateratzea besterik ez zaio gelditu. Hala, pare bat hiruko saskiratuz eta defentsa ona eginez, zortzi puntuko aldeaz irabazi dute arrasatearrek.