Arrasateko kale izendegia azkenengo aldiz 2007an eguneratuta zegoen, eta mapa toponimikoa are zaharragoa zen, 1998koa. Orain datu guztiak eguneratu ditu Arrasateko Udalak eta webgunean eta BAZen dago arrasatearren eskura. Gainera, herritarren laguntzarekin informazioa osatu nahi da, arrasatearren jakituria hori galdu ez dadin.
"Herritarren batek jasota ez dagoen toponimia terminoren bat ezagutzen badu, Hirigintza, Ingurumen eta Mugikortasun sailarekin harremanetan jarri daiteke informazioa gordeta geratu dadin", azaldu dute Arrasateko Udaletik.
Mapa Arrasateko Udalaren webgunean eta BAZen egoteaz gain, Geoeuskadi bidez kontsultatu ahal izango da. Eguneraketa proiektua diruz lagundu du Eusko Jaurlaritzak, eta Euskaltzaindiak gainbegiratu du. Bestalde, argazkiak Agustin Berezibarrek emandakoak dira.
Bestalde, Arrasateko Udalak jakinarazi duenez, mendi ibilbide batzuk ere jaso dira eguneraketa honetan, eta laster mapa berri batzuk irtengo dira ibilbide gehiagorekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak