Bideo-jokoak kontsumitu bai, baina sortu ere bai

Kultura aste digitalaren barruan, tailer interesgarriak antolatu dituzte gaztetxoei begira. Hain gogoko dituzten bideo-jokoak diseinatzen ikasteko aukera izan dute gaur arratsaldean, eta gazte ugarik hartu dute parte. Aurretik izena eman ez duten beste asko hurreratu dira, baina, bihar izango dute horretarako beste aukera bat.

"Gaur egungo gazteek atrakzio berezia dute gailu teknologikoekiko. Hori baliatuta, buelta eman eta teknologia diseinatzeko aukera eman nahi diegu. Irakasle espezializatu baten bitartez bideo-jokoak edo webgunean diseinatzen ikasteko pildoratxo batzuk eman nahi dizkiegu. Lehen kontaktu bat izatea nahi dugu, hain gustuko duten mundu horretan sortzaile sentitzeko" azaldu du Nerea Atxega Kode Eskolako arduradunak.

Gaur arratsaldeko hiru tailerrak erabat beteta zeuden, eta hainbat gaztetxo kanpo geratu dira. Ekintza arrakastatsua izaten ari da parte hartzeari dagokionez, eta bihar ere egongo da tailerretan parte hartzek aukera. Bertan parte hartu nahi izanez gero, gomendagarria da aldez aurretik Garibain kokatutako karpan izena ematea.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.