Lore eta kolore, Seber Altube dotore

Xabi Gorostidi 2018ko api. 21a, 16:27

Apirileko baserritarren azokak udaberri ukitu nabaria izan du gaurkoan, askotariko loreen xarmarekin bete baita Seber Altube Plaza. Loreez gain, etxean ortu txikia edukitzeko eskaintza zabala egon da, letxuga, kipula, marrubia edo albaka bezalako produktuekin.

Ogia, gazta edo kontserbak bezalako ohiko produktuez gain, lore eta barazki eskaintza zabalarekin bete da gaur Seber Altube, apirileko baserritarren azokarekin.

Askotarikoak izan dira erosgai egon diren lore eta landareak: limoneroak, albaka, alegria txikiak, marrubiak, kipulak, Gernikako piperrak, landare jangarriak, lutxarbi beltza, letxugak, tomate berdeak, estebiak eta baita tabako landarea ere.

Horietako asko etxeko balkoian ortu txiki bat egin nahi dutenei zuzenduta zeuden, eta zaletasun horri erantzuna emanez Ortu bat nire balkoian izeneko tailerra antolatu dute. Anjel Azpillagak eman ditu azalpenak, letxuga edo tomate propioak ekoiztu nahi dituzten lagunentzat. Produktu egokiak zeintzuk diren, eta hauek nola zaindu behar diren ikasteko aukera izan dute, beraz.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak