San Juanetako seigarren esaldi lehiaketa abian da

Arrasateko Euskal Herrian Euskaraz taldeak, Debagoieneko AEK eta AED elkarteek eta Arrasateko Udalak antolatu dute elkarlanean, jaietan euskararen erabilpena sustatzeko. Esaldi labur eta argiak jaso nahi dituzte, jaietako zapietan plasmatu ahal izateko. Esaldiak aurkezteko epea maiatzaren 6an bukatuko da, eta irabazleak 100 euroko saria jasoko du.

Hona hemen lehiaketako araudiaren xehetasunak:

  • Arrasateko EHE, Debagoieneko AEK eta AED elkarteak San Joan jaietako esaldi laburren lehiaketa antolatu dute, Arrasateko Udalarekin elkarlanean.
  • Esaldi horren bitartez, antolatzaileen helburua da arrasatearrak San Joanak euskara bizitzera animatzea.
  • Aukeratutako esaldia Arrasateko Udalak 2018ko San Joan jaiak girotzeko aterako dituen zapietan erabiliko da. Baita esaldia egokia izanez gero jaiak iragartzeko euskarrietan ere.
  • Erabilera hori kontuan hartuta, esaldi laburra eta argia izatea baloratuko da.
  • Lehiaketa honetan Arrasaten bizi, ikasi edo lan egiten duen edonork parte har dezake, taldean edo bakarka. Partaide edo talde bakoitzak nahi beste lan aurkez ditzake.
  • Lanak maiatzaren 6a baino lehen bidali behar dira AED elkartera. Bulegora bidali edo eraman daitezke (Pablo Uranga kalea 4-behea) edo e-postaz aed@aedelkartea.eus helbidera bidali.
  • Lana aurkezten den orrian ez da egile edo egileen izen-abizenik jarriko. Datu pertsonalak (izen-abizenak, adina, telefonoa) kartazal itxi batean sartuta aurkeztuko dira eta kartazal hori, proposaturiko esaldiarekin batera, beste kartazal handiago batean.
  • Esaldiak e-postaz bidaliz gero, mezu bakar batean baina bi fitxategitan bereizirik bidaliko dira. Hau da, fitxategi batean proposaturiko esaldia edo esaldiak eta beste batean egile edo egileen datuak.
  • Epaimahaia Arrasateko EHE, Debagoieneko AEK, AED elkartea eta Arrasateko Udaleko kideek osatuko dute.
  • Epaia maiatzaren 10erako jakinaraziko da, tokiko hedabideen eta sare-sozialen bidez.
  • Saria 100 € izango da.
  • Saria eman gabe gera daiteke, epaimahaikoek horrela erabakiz gero.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.