Arrasate Errugbi taldeak Ligako azken partidua jokatu zuen zapatuan Mojategin. Bilboko Unibertsitatea taldearen aurka azken partidua galdu bazuten ere (18-54), Igor Isasiren mutilek denboraldiko helburuak beteta eta lehen mailari eutsiz agurtu dute.
Hala ere, denboraldia ez da bat ere erraza izan zuri-moreendako. Liga txapelketari ezin hobeto ekin zion taldeak aurreneko partiduan irabazita. Hurrengo asteetan, baina, Isasiren mutilek kategoria berriaren gordintasuna ezagutu zuten. Norgehiagoka guztietan maila polita erakutsi arren, porrotak bata bestearen atzetik jaso zituen Arrasateko taldeak, Getxoren kontra Mojategin ezustekoa eman arte. Kronika osoa hemen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.