Ertzaintzak jakinarazi duenez, uniformea jantzi gabe auzoan zaintza lanetan ziharduten ertzainek burutu zuten atxiloketa. "Ohiko gaizkilea" komertzio batera sartzen ikusi zuen Ertzaintzak; atzetik jarraitu ostean poltsikoetan zerbait sartzen zuela ikusirik gaztea miatzea erabaki zuten. Atxilotuak mota ezberdinetako drogak zituen gainean; Ertzaintzak zehaztu dutenez marihuana, haxixa eta speed-a zituen, kopuru ezberdinetan. Horretaz gain, drogarekin erlazionatutako aurrekariak zituela ere jakinarazi du Ertzaintzak. Atxilotua epailearen esku dago orain.