goiena.eus

Pamela Palencianok bakarrizketa saioa eskainiko du apirilaren 19an

  Kultura  Arrasate

Emakume Txokoak antolatuta, Pamela Palencianok No solo duelen los golpes bakarrizketa eskainiko du apirilaren 19an –eguena– Kulturateko areto nagusian, 19:00etan. Publiko orokorrari zuzendutako emanaldia izango da. Bakarrizketan, Palencianok bikote baten esperientzia kontatuko du, zeinetan berak mota guztietako tratu txarrak jasan dituen: abusuak, menderatzeak eta gizonaren botere patriarkala.

"Eredu patriarkalean oinarritutako bikote harreman horiei begirada bat egiten dio bakarrizketak, gizarteak nola eraikitzen dituen eta nola pairatzen ditugun horren ondorioak". Ikastetxeei zuzendutako emanaldiak ere eskainiko ditu Palencianok Amaia antzokian, apirilaren 19an eta 20an, Eskola antzerkiaren jardunaldien baitan –DBH eta Batxilergoa–.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa