10:00etako etxafuego jaurtiketarekin emango diete jaiei hasiera, eta handik ordubetera haurrentzako ekintzak izango dira: xake txapelketa, hiruko jaurtiketa txapelketa, itsulapikoak apurtzea, bizikleta eta zintak eta korrika lasterketa. Ordu berean, 11:00etan, yoga saio bat egingo dute, eta tortilla txapelketako parte hartzaileak patatak zuritzen hasiko dira Altamirako tortilla gozoena prestatzeko.
12:00etan, tabernaren irekiera egingo dute, eta, edariez gain, txapelketako tortillak ere egongo dira dastagarri. 13:00etan dantzak egingo dituzte, eta, ordu berean, auzoko pertsonak omenduko dituzte jai batzordekoek. Arratsaldean ere ekintza ugari izango dira: 16:00etan etxafuegoak eta marrazki lehiaketa, 17:00etan txokolate-jana, 17:30ean buruhandiak eta 18:30ean igel jolas txapelketa. Eguna borobiltzeko, auzo afaria egingo dute 21:00etan, eta afalostea AZ taldeak girotuko du.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.