Partidu garrantzitsua du Kanpanzar ART-k bihar Logroñon

Azkeneko zazpi partiduak galdu ditu Kanpanzar ART-k –azkena pasa den astean Mojategin, Garabi Goierri Ordiziaren aurka 12-26– eta liga bukatzeko geratzen diren hiru partiduak hiru final izango dira Igor Isasiren mutilentzat. "Lehenengo itzuli oso ona egin genuen, gauzak ondo atera zitzaizkigun. Bigarrena, berriz, ez doa hain ondo. Baina bagenekien denboraldi zaila izango zela", adierazi du Xabi Gardoki Jabo-k taldeko kapitainak. Lehenengo finala bihar, zapatua, edukiko dute Logroñon, Marzola R.C. Rioja taldearen aurka, 17:00etan. Sailkapenean arrasatearren atzetik daude errioxarrak.