Euskadiko Eskolarteko kros txapelketa jokatu dute Arruena parkean

37. Euskadiko Eskolarteko Kirol Jokoak hasi dituzte gaur Arrasaten. Kros txapelketa egin dute gaurkoan, hain zuzen. Hiru lurraldeetako 13 eta 14 urteko neska-mutiko onenek parte hartu dute lasterketan. Mutiletan Jon Yeabsera Landa eta nesketan Mencia Maruri izan dira azkarrenak.

Arruena parkean egin dituzten kros lasterketak. Lehenengo mutilen txanda izan da. Mila metroko zirkuituari lau itzuli eman dizkiete. 56 lasterkari irten dira eta denetan azkarrena Jon Yeabsera Landa arabarra izan da. Bigarren Hugo Alvarez bizkaitarra helmugaratu da eta hirugarrena Juan Abaitua –Erandio– izan da.

Neskek hiru buelta eman dizkiete zirkuituari. 52 neska iritsi dira helmugara. Horien artean azkarrena Muñatones elkarteko Mencia Maruri izan da. Bigarrena Izaro Aranburu izan da –Bizkaiko selekziokoa– eta hirugarrena Maria Ortiz de Pinedo –Electrica Alavesa–.

Taldekako sailkapena

Taldeka hauek izan dira onena.

Nesketan:

  • 1. Gernika
  • 2. Muñatones (Muskiz)
  • 3. Santurtzi

Mutiletan:

  • 1. Erandio
  • 2. Beasain
  • 3. Berango

Infantil mailako txapelketa

Eusko Jaurlaritzak antolatzen ditu Euskadiko Eskolarteko txapelketak, eta, finean, Euskadiko infantil mailako txapelketak dira. Gaur jokatu dena 37. edizioko lehenengo froga izan da. "Hiru lurraldetako selekzioak eta lurralde bakoitzeko hiru elkarte onenak lehiatu dira Arrasaten", azaldu du Eusko Jaurlaritzako kirol teknikari Dorleta Ugaldek. "Krosa bakarrik ez, beste 19 modalitateko txapelketak ere jokatuko dira aurten Arrasaten. Apirilaren 22an judoa izango dugu eta maiatzaren 26an eta 27an eta ekainaren 3an eta 4an gainerakoak", esan du.

Bailarako korrikalariek ez dute gaurko proban parte hartu.

Erlazionatuak

37. Euskadiko Eskolarteko kirol jokoetako kros txapelketa Arrasaten

Arrasate

Infantil mailako kros txapelketa jokatu dute Arruena parkean. Lau mila –mutilek– eta hiru mila –neskek– metroko lasterketak...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.