'Izar' haurrentzako antzerkia izango da bihar, zapatua, Amaian

Izar haurrentzako antzerki emanaldia izango da bihar, zapatua, Amaia antzokian, 17:00etan, Marie de Jongh taldearen eskutik. Sarrera bost euro da. Testurik gabeko antzerkia da. Hemen sinopsia: Izar, 6 urteko neskato hauskorra den arren, dagoeneko ospe handiko pianojole bihurtzeko bidean da. Gurasoek ezarri dioten diziplina zorrotzari esker, neskatilaren trebezia maila gorenera iritsi da. Izarrek ez du hazi nahi, pozarren bizi da bere haurtzaro distiratsuan. Baina bizitzak bestelako patua ekarri dio, ustekabeko labirinto emozionala. Handik ateratzeko, beste izar baten gidaritza beharko du.