Baserritarren azokan, eztularen aurkako baltsamo ikastaroa

Hileko hirugarren zapatuetako ohiturarekin jarraituz, Seber Altube sasoiko produktuen erakusleiho bihurtuko da bihar, goiz partean. Otsaileko azokan hamaika postu izango dira, eta horietako bederatzi debagoiendarrenak izango dira.

"Ortuko barazkiak, okela ekologikoa, gazta, eztia, Arabako lautadako produktuak, euskal pastelak, landare ekologikoak eta nekazaritza tresnak izango dira postuetan", azaldu du Nerea Lazpiurrek, Udaleko Garapen Iraunkorreko teknikariak.

Eztularen aurkako baltsamoa

Etxean bertan eztularen aurkako konponbidea izan dezakegula erakutsiko dute Ekoudaletxeko kideek zapatuko azokan. Tailerra 11:00etan hasiko da, eta ordubeteko iraupena izango du, gutxi gorabehera. Aldez aurretik izena ematea gomendatu dute, baina, ez eman arren, parte hartzeko aukera izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.