Ointxe!-ko lau talde ariko dira Euskal Ligako bigarren fasean

Ointxe-Araskik lehenengo postuan amaitu du lehen fasea. Argazkia: Ointxe!.

Kadete eta junior mailetako mutilek eta kadete mailako nesken bi taldeek –Ointxe-Araski eta Araski-Ointxe–jokatuko dute fase erabakigarria. Ointxe-Araski taldeak lehenengo postuan amaitu du lehen fasea, azken partiduan Loiola-Indautxu taldeari irabazita.

Denboraldi hasieran, Ointxe!-ko hiru talde ziren Euskal Ligan: junior mutilak eta kadete mailako nesken bi talde –OintxeAraski eta Araski-Ointxe–. Ointxe-Araski taldeak lehenengo postuan amaitu du lehen fasea, azken partiduan Loiola-Indautxu taldeari irabazita. Haiek A1 multzoan jokatuko dute bigarren fasean, nahiz eta lauko finalean leku bat bermatuta duten, lehen fasean lider bukatzearen ondorioz. Hala, lauko finalean, Euskadiko txapeldun izateko lehian ariko dira.

Ointxe!-ko gainontzeko hiru taldeak –Araski-Ointxe, junior mailako mutilen taldea eta kadete mailako mutilen taldea– A2 multzoan arituko dira, eta hiru talde horien helburua da datorren denboraldian Euskal Ligan jokatzen jarraitzea. Horretarako, multzoko lehen bi postuetan sailkatu beharko dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.