Euskal Herriko gazte komunikazio proiektuaren aldeko festa ari dira ospatzen gaur Arrasateko gaztetxean. Goizetik gauera, ikasi eta ongi pasatzeko aukera eskaintzen ari da Topatufest. 22:30ean hasiko dira kontzertuak; Autobus Magikoa, EroKomeri eta DJ Kartoon arituko dira.
Goizeko hamaiketan eman diote hasiera egitarauari, bideogintza eta kartelgintza tailerrarekin. Gero egin dute Zertarako Komunikatu? mahaingurua. 20 bat lagun batu dira horietara.
14:00etan bazkaria egin dute eta ondoren bazkalostean ez da musikarik falta, Silvio eta Rodriguez-ekin.
Gaueko 22:30ean hasiko dira kontzertuak: Autobus Magikoa, EroKomeri eta DJ Kartoon-en musikaz gozatzeko aukera egongo da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.