Jaien atariko asteburuan ibilaldi gidatu arrakastatsua egin ostean, egubakoitzean bertan hasiko dituzte Meatzerreka auzoko 2018ko jaiak. 20:00etan ekingo diote jaiari, etxafuegoek leher egitearekin bat, eta 22:30ean, 37. mus txapelketa jokatuko dute, zortzi erregetara. Bikote bakoitzak 30 euro jarri beharko ditu, eta izen emateak 18:00etatik 22:30era bitartean egin beharko dira, ondorengo telefono zenbakira deituta: 943 79 97 37.
Zapatuan gazte eta umeentzako jolasak izango dira 12:00etan, eta 14:30ean, Auzo bazkaixe. Hori amaitzean, Kaixo taldeak dantza saioa eskainiko du, eta 17:00etan Gorritiren animalien txanda izango da. 18:00etan, aldiz, txokolatadie egingo dute.
Domekan, meza izango da San Baleixoko ermitan, 11:00etan, Garagartzako koruarekin. 11:30ean, Lore Gazteak Taldekoek euskal dantza erakustaldia egingo dute, eta, horren truke, luntxa izango dute zain 13:00etan.
