Antolakuntzan parte hartzeko aukera zabaldu zien Udalak herriko kooperatibei eta gizarte ekonomiako eragileei eta sei aurkeztu dira: Emun Kooperatiba, Caritas, Emaus, Arizmendiarrietaren Lagunak elkartea, Arizmendiarrieta Kristau Fundazioa eta Arizmendi Ikastola Hezkuntza Kooperatiba.
Behin taldea osatuta, Udal ordezkariek adierazi dute lehen bilera egin dutela elkar ezagutzeko, Foroaren planteamendu orokorra aztertzeko eta guztien proposamen zein ideiak jasotzeko: "Modu honetara, elkarren arteko hartu-emana ahalik eta aberasgarriena izan dadin".
GSEF 2018
Ekonomiaren alorreko mundu mailako erakunde eta eragile garrantzitsuenak bilduko ditu Bilbon egingo den Kongresuak. Izendapen horrek Arrasaterentzat duen garrantzia azpimarratu dute Udal ordezkariek: "Gure bailara eta bereziki Arrasate, eredugarriak dira, batez ere kooperatibismoari dagokionean eta gainera Gizarte Ekonomiaren aldeko konpromiso instituzional eta politiko sendoa izan du herriak betidanik. Horregatik,
Foro hau gure eredu bereizgarria ezagutzera emateko aukera ezin hobea izango da".
