"Eguraldiak ere lagundu digu eta pozik gaude. Buelta txukuna egin dugu, aurrez pentsatuta genuena. Jendea harrituta geratu da. Hain gertu ditugun paraje ederrak eduki eta ez ezagutzea, bitxia egin zaie", azaldu du Zuazubiskarrek.
45 bat lagun bildu dira mendi irteeran. 4 kilometro inguruko ibilbidea izan da, eta 4 bat ordutan egin dute. Parte-hartzaileen adinari dagokionez, 50 urte inguruko jendea egon da batez ere.
Hala azaldu du Zuazubiskarrek egin duten ibilbidea:" Meatzerrekatik abiatu gara, eta lehenengo geldialdia Galarrako koban egin dugu. Ikusi dugu garai batean zer egon zen eta zeintzuk ibili ziren han. 2013an hiru mutiko galdu ziren koba horretan eta horri esker dakigu kobaren tamaina handiagoa dela. Hortik meategietara joan gara, Lurgorrira Hemen garai batean meatzeak nola lantzen ziren, zer egiten zuten, nola garraiatzen zuten minerala eta abar azaldu dut. Gero, ezkerrerantz egin, eta Udalara joan gara, pagadi polit batetik eta hango garbitegia ere ikusi dugu. Beherantz Salturrirantz hartu dugu, eta hortik San Valerio ermitara. Arantxa Otaduik ermitaren inguruan hitz egin du eta hortik berriz Meatzerrekako elkarte gastronomikora joan gara, hasi dugun lekuan bukatuz".
