Sailkapeneko azkena hartuko du Kanpanzar ARTk domekan Mojategin

Baztango BTR-Menditarrak RT taldearen aurka jokatuko dute arrasatearrek, domekan 12:30ean, Mojategin. Inor gutxik aurreikusiko lukeen denboraldia egiten ari da Kanpanzar ART. Izan ere, mailaz igo berri eta jendez justu ibilita, aukera asko zituen sailkapeneko azkeneko postuetan ibiltzeko. Baina ez. Seigarren postuan dira arrasatearrak, eta domekan hitzordu garrantzitsua dute kategoriari eusteko bidean.

Bigarren itzuliko lehen partidua izango da Igor Isasiren mutilentzat domekakoa. Baztanen garaipen batekin abiatu zuten liga, eta oraingoan ere ez dute hutsik egin nahi arrasatearrek, etxean, aurkari beraren aurka. "Egutegian gorriz markatuta daukagu partidu hau aspalditik. Han irabazi egin bagenuen; hemen ezin dugu hutsik egin", azaldu du entrenatzaileak.

Azpimarratu du taldea egiten ari den denboraldia ikaragarria dela, eta oso pozik dagoela onartu du. "Ez genuen espero horrelako emaitzak lortuko genituenik. Lesioek ere errespetatu gaituzte, oraingoz. Motibatuta gaude. Bigarren itzuliko partidu gehienak erabakigarriak izango dira mailari eusteko. Goiko taldeen kontra etxean daukagu eta gure borroka berean dauden taldeen kontra kanpoan. Beraz, etxekoak zein kanpokoak, guztietan borrokatu beharko dugu".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.