Goi mailako saskibaloia gaur Iturripen

Xabier Urtzelai 2018ko urt. 3a, 08:00
Araski eta IDK Gipuzkoako ordezkariak, Euskal Kopako finalerdian. Argazkia: www.araski.com

Gaur, hilak 3, goi mailako saskibaloia izango da Iturripen (19:30), elitean diharduten Lacturale Araski eta IDK Gipuzkoa taldeak izango dira eta aurrez aurre. Lagunartekoa Ointxe!k antolatu du, 50 urteurreneko ekitaldien bueltan.

Dia Ligan jokatzen duten –emakumezkoen saskibaloiko maila gorena– Lacturale Araski eta IDK Gipuzkoa taldeen arteko lagunartekoarekin hasiko du Ointxe! klubak 2018a. Urte berezia izango da arrasatearrendako, klubak 50 urte beteko dituelako aurten, eta puntako lagunarteko partidu honekin ekingo diete ospakizunei.

Sailkapenaren erdialdean daude bi taldeak

IDK Gipuzkoa taldea sailkapenaren erdi-erdian dago, 22 puntu batu dituzte hamalau jardunalditan, eta puntu bat gutxiago du talde arabarrak, Lacturale Araskik. Ligan dagoeneko jokatu dute elkarren kontra, azaroa amaieran izan zuten norgehiagoka, eta arabarrek ezustea eman zuten gipuzkoarren kantxan, 57-61 irabazi zuten-eta. Bada, badirudi Iturripen pare-parean egongo direla indarrak. 

Norgehiagoka ikusteko ez da sarrerarik ordaindu beharko. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak