Ilmars Starostits faboritoak irabazi du XVII. Arrasate Hiria xake txapelketa

Ilmars Starostits eta Fabián Peña, lehen eta bigarren sailkatuak sariarekin.

Abenduaren 26a eta 30a bitartean jokatu da Arrasate-San Andres X.E. aretoan Arrasate Hiria nazioarteko xake txapelketa, hamazazpigarrenez. 28 parte hartzaile lehiatu dira eta garaipena Letoniako Ilmars Starostits Maisu handiarentzat izan da. Lehen debagoiendarra Asier Etxagibel izan da, seigarren postua eskuratu du arrasatearrak.

Txapela eskuratzeko faboritoa Ilmars Starostits zen hasieratik, Maisu handiaren titulua duen bakarra, eta ez du hutsik egin. Letoniarrak garaipena eskuratu du Aritz Izagirre, Josu Tornay, Aitor Alcaide eta Asier Etxagibelen aurka. Mikel Huergarekin ez du arriskatzerik nahi izan eta berdinketaren alde egin du.

Sailkapenean bigarren Fabián Peña kolonbiarra gelditu da eta hirugarren Mikel Huerga nafarra -2015eko irabazlea-.

Antolatzaileen arabera, gaixotasunek eragina izan dute txapelketan, hainbat jokalari ez dira ongi sentitu lehenengo egunetik. Horregatik Alejandro Franco madrildarrak eta David Astasio gasteiztarrak ezin izan dute lehiaketa amaitu.

Debagoiendarrak XVII. Arrasate Hiria xake txapelketan

Arrasatearrak izan dira lehen postutik hurbilen ibili diren debagoiendarrak. Asier Etxagibel, Txema Hernando eta Josu Tornay jarraian sailkatu dira; aipatutako ordenan seigarren, zazpigarren eta zortzigarren. Tornayren seme gazteak, Aritz Tornayk ere txapelketan parte hartu du; 27. postuan gelditu da. Bestalde, Aitor Arcaide aretxabaletarrak hamabigarren postu lortu du.

Erlazionatuak

Arrasate Hiria txapelketako parte-hartzaileak kontzentratuta, lehian

Arrasate

Martitzenean, hilaren 26an, ekin zioten XVII. Arrasate Hiria xake txapelketari, eta irabazteko lehian segitzen dute 28 parte-hartzaileek. Hilaren 3...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.