Zabaldu dute Uribarri etorbidea Arrasaten

Espaloiak eta bidegorria egokitu dituzte.

Hilabeteetako lanen ostean, barikuan, hilaren 22an, zabaldu zuten herritarrentzat Uribarri etorbidea, itxura berrituta. Oraindik ere azken lanak amaitzear badaude ere, horiek urte hasieran bukatzea aurreikusi du Arrasateko Udalak.

Besteak beste, kalearen erreka aldeko espaloitik hasita errekara bitarteko eremua berrurbanizatu dute eta Udala plazatik Iturripeko zubirainoko espaloi, lorategi eta aparkalekuak berritu eta atondu dituzte. Horrez gain, bidegorri berria ere eraiki dute erreka aldeko etxebizitzen atzealdean eta zaharkituak zeuden azpiegiturak ere eguneratu dituzte.

Azken lanak oraindik amaitzear dauden arren, etorbideak segurtasun irizpide guztiak betetzen ditu, beraz, barikuan zabaldu egin zuten herritarren mugikortasuna eta irisgarritasuna errazte aldera. Horri lotuta, azken lorezaintza eta seinaleztapen lanak urte hasieran amaitzea aurreikusi du Udalak. 

Aipatu etorbidea urbanizatzeko lanak Takolo eta Goiruko proiektuaren E-1 fasean jasoak zeuden, hirugarren fasean, alegia. Lanak 554.503,99 eurotan esleitu dira eta ORSA enpresa izan da guztiak gauzatzearen arduraduna.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.