Zerkaosteta kalean dagoen Gare lore-dendak irabazi du Santamas jaien barruan antolatutako erakusleiho lehiaketa. Epaimahaia bat etorri dela hori hautatzerakoan adierazi dute Udal ordezkariek. Bigarren geratu da Altuna lurrin-denda, eta hirugarren, Otamendi harategia.
Maria Ubarretxena alkatearen eta Juan Ramon Mendieta kultura zinegotziaren eskuetatik jaso dituzte sariak irabazleek. Lehenengoak, plaka eta 300 euro; bigarrenak, plaka eta 250 euro; eta hirugarrenak, plaka eta 200 euro (Ibai Arte merkataritza elkarteak emanda). Irabazle guztiak oso pozik eta eskertuta agertu dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
