Abenduaren 26an eta 27 goizean lokalen apainketa egiten arituko dira gazteguneetan, eta arratsalderako sukaldaritza tailerra daukate antolatuta.
Abenduaren 28an, Bailarako Gaztelekuen Topaketa izango da Bergaran; 29an sexualitateari buruzko tertulia eta Olentzero ezkutua; eta 30ean, aldiz, mendi irteera.
Ludoteken eskaintza
Ludotekatan ere ez dira atzean geratuko eta izena emateko epea zabalik dago; azken eguna abenduaren 20a da. Hilaren 26an mendi irteera egingo dute ateri bada (10:00etan, Biterin), eta bestela, sukaldaritza tailerra (17:00etan, ludotekan).
Eguaztenean, abenduaren 27an, ginkana (17:00etan, ludotekan) izango dute ateri bada, eta euria eginez gero, film laburren emanaldia (17:00etan, ludotekan).
Eta hilaren 28an, Igartubeiti baserria bisitatzera joango dira eguraldi ona egin edo ez. 10:00etan hartuko dute autobusa Garibaiko geltokian. Familian joateko aukera ere badagoela adierazi dute (ume bakoitzeko 3 euro).
