Bertso Txapelketa Nagusiaren ondoren Santamasetako saioa

Seikote dotore batekin dator aurten AEDk antolatzen duen Santamasetako bertso saioa. Aitor Mendiluze, Sustrai Colina, Oihana Iguaran, Jone Uria, Miren Artetxe eta Jon Maia izango dira jai giroari bertso ukitua jartzeko ardura izango dutena. Sarrerak AEDn, Jai-Zalen Eta Monten eskuratu daitezke.

Hona hemen AEDkoek helarazi duten mezua:

"BTN17 eta gero... SJ17!!!
Badator, bai, beste urte betez, Santamasetako bertso jaialdi mundiala. Txartelak salgai dituzue AEDn eta Jai Zale eta Monte tabernetan. 14 urtetik beherakoek prezio berezia izango dute, 5 €, baina haiendako sarrerak bakarrik leihatilan salduko ditugu, jaialdiaren aurretik, sekulako laguntza ematen diguten tabernariak zoratu ez daitezen".

Hitzordua 20:00etan izango da Amaia Antzokian eta prezioak honakoak:

  • Sarrera arrunta: 10 euro
  • AEDko bazkideek: 8 euro
  • 14 urtetik beherakoek: 5 euro

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.