Gainera, aurrez jakinarazitako moduan, erosketak Arrasate Txartelarekin ordaintzen dituzten bezeroen artean Gabonetako 100 otzara zozketatuko dira abenduaren 22an.
Bestalde, Ibai-Arteko kide diren saltokiek Erregeetako loteria-txartelak oparituko dituzte bezeroen artean. Aurtengo zenbakia 54.7458 da. Horretaz gain, erosketetan Arrasate txartela erabiliz gero fidelizazio sistema berrira atxikituta dauden saltokietan hurrengo erosketarako deskontuak izango dituzte bezeroek.
Horri lotuta, erosketak erosoago egin ahal izateko, Laubideko parkingean ordubete doan aparkatzeko txartelak ere oparituko dira erosketekin batera. Ibai-Arteko saltokietan eskatu beharko dira txartelak erosketak egin ostean.
Haurrentzako Ibai-Arteren egitaraua
Abenduak 16
Haur eta gazteek disfrutatzeko animazioa jarriko da Biteri plazan, goizean, 11:30etatik 13:30era eta arratsaldean, 16:00etatik 20:00etara. Bertan puzgarriak, proba jolasak, trebetasun jolasak eta askoz gehiago egongo da. Euria egiten badu ekimen hau bertan behera geratuko da.
Abenduak 21, 22 eta 23
Ibai-Artek Txu-txu tren bat jarriko du udalerriko kaleetan barrena ibiliko dena. Abenduaren 21ean eta 22an arratsaldez 17:00etatik 20:00tara eta 23an egun osoz 11:00etatik 14:00etara eta 17:00etatik 20:00etara. Ibilbidea Zerrajerako erlojuaren eraikin aurrean hasi eta bukatuko da. Arrasate txartela erakutsita bidaia doakoa izango da (4 pertsonentzat), bestela 50 zentimo ordaindu beharko da ibilbidea.