Mondrak 1-0 irabazi dio liderrari

Garaipen garrantzitsua lortu zuten atzo Jorge Davilaren mutilek Mojategin. Ohorezko Erregional mailako Ordizia lider moduan zetorren Arrasatera, baina zuri-moreek lan bikaina egin zuten berdegunean eta lehen zatian lortutako golari esker hiru puntuak etxean gelditu ziren.

Partidako lehen zatian Mondrak jarri zuen intentsitate mailak hiru puntuak etxean utzi zituen atzo, Ordiziaren aurka (1-0). Liderra hartu zuten etxean Jorge Davilaren mutilek, baina nor baino nor gehiago aritu ziren bi taldeak. Mondra gehiago izan zen lehen zatian, eta hor lortu zuen gola etxeko taldeak. Atezainaren aldaratze kaskarra ederki aprobetxatu zuen Andonik markagailuan 1-0ekoa jartzeko, hain zuzen ere.

Zelaian sendo egon zen Arrasateko taldea, eta baloia ondo kontrolatu zuen. Ordiziak aireko jokoan izan zituen aukera argienak, baina hor ere bikaina aritu zen zuri-moreen defentsa. Azkenean hiru puntuak Mojategin gelditu ziren.

Bestalde, sarrerekin bildu zuen diru guztia Gurutze Gorriaren jostailu berriak banatzeko kanpainara bideratuko du Arrasateko taldeak.

Erlazionatuak

Liderrari irabazi dio Mondrak (1-0)

Arrasate

Zuri-moreek Andonik lehen zatian lortutako golari esker irabazi zuten Ordiziaren aurkako norgehiagoka Mojategin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.