Ointxek piztu ditu Gabonetako argiak, arrasatearrez bete den Herriko Plazan

Arrasateko saskibaloi taldeak 50 urte bete dituela-eta, Udalak Ointxe klubaren eskuetan utzi du Gabonetako argiak pizteko ardura. Klubeko presidente ohi Jon Basurkok keinua eskertu du, eta Maria Ubarretxena alkateari gomendio bat eman: "Zaindu itzazue kirol elkarteak, herriko altxorretako bat dira". Alkatea "erabat" ados agertu da aholkuarekin. Gabonak ofizialki hasi dira Arrasaten ere.