Abenduaren 7tik 10era bitartean jokatuko den 25. Nazioarteko Akordeoi Lehiaketaren barruan antolatutako kontzertua da. "Mugitzeko zailtasunak dituzten horiei ere musika helarazteko asmoarekin bigarren urtez izango da emanaldia ospitalean", jakinarazi dute Aita Menniko kideek. Debalde da eta ateak edonorentzako izango dituzte zabalik.
Eskarmentu handiko akordeoilaria
Eskarmentu handiko akordeoilaria da Jianan Tian (Txina, 1994). Tianjin hiriko Musika Kontserbatorioan egin zituen ikasketak, eta hainbat herrialdetan izan da kontzertuak eskaintzen: Alemania, Errusia, Kanada, AEB, Espainia eta Zeelanda Berria. Sari mordoxka bat ere eskuratu du Arrasaten iaz lortutakoaz gain, 31 lehen postu hain zuzen ere Txinan bertan egindako hainbat lehiaketatan. Gainera, bost disko argitaratu ditu, horietako bat ganbera-musikaduna.
