Prebentzioa gomendio, HIESaren Kontrako Mundu Egunean

Iker Oñate 2017ko abe. 1a, 20:30
Jendea HIESAri buruzko informazio orria irakurtzen. Argazkia: Imanol Soriano.

HIESari buruz informatzen eta prebentziorako gomendioak ematen jardun dute gaur arratsaldean –egubakoitza– Arrasateko plazan. Gurutze Gorriak eta Arrasateko Sexologia Zerbitzuak dira egitasmoaren bultzatzaileak.

HIESaren Kontrako Mundu Eguna da gaurkoa –abenduaren 1a–. Horren bueltan, gaixotasunaren prebentziorako informazioa helarazten jardun dute boluntarioek. “Finean, jakina da sendatu ezin daitekeen gaixotasunaz dihardugula. Horregatik, uste dugu garrantzitsua dela horren inguruko informazioa hedatzea”, dio Gorka Mariak, Gurutze Gorriko kideak. Hainbat bitarteko erabili dituzte informazioa hedatzeko: esku-orriak eta koaderno informatiboak, tartean.

Besteak beste, gizartean zabalduta dauden hainbat “uste oker” kolokan jarri gura izan dituzte ekimenaren bultzatzaileek. “Esaterako, oraindik badago HIESa listuaren bidez itsatsi daitekeela uste duenik; hori ez da egia. Soilik, sexu harremanetan, odol transmisioan edo haurdunaldian itsatsi daiteke HIESa”, argitu du Mariak.

Urteekin kontzientziatuago

Urteak daroatzate ekimenarekin, eta esperientziak erakutsi die jendea kontzientziatuago dagoela HIESaz. “Gaur-gaurkoz, esan dezakegu jendeak gehiago dakiela gaixotasunaz. Egiten dizkiguten galderetan nabari dugu hori”, azaldu du Mariak.

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak