Joan den egubakoitzean Arrasateko Dragoi Gimnasia Taldeko ordezkariak Alacanten izan ziren, gimnasia erritmikoko Espainiako Txapelketan esku hartzen. Oinarrizko gazte mailako gimnastak lehiatu ziren Arrasate ordezkatzen, eta pozik bueltatu dira han egindako lanarekin.
Maila handia egon zen txapelketan, eta guztira 81 talderekin batera lehiatu ziren Arrasateko Dragoikoak. Leire Ugarte, Andrea Hernandez, Alba Revuelta, Maite Oliden eta Amaiur Mendizabal izan ziren boskotea osatu zutenak, eta lehenengoz hartu zuten esku txapelketa horretan. Euren kategorian 81 talde lehiatu ziren, eta arrasatearrak 59. postuan sailkatu ziren, maila polita erakutsiz: "Elkartea osatzen dugunok oso pozik gaude bertan egindako lanarekin eta gimnastak eta baita entrenatzaileak ere zoriondu nahi ditug. Horrekin batera, gure gimnastak animatzera hurbildu ziren guraso eta lagun guztiei ere eskerrak eman nahi dizkiegu", adierazi dute klubetik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
