Rioja Rugby taldearen bisita jaso dute Mojategin, eta makal hasi diren arren errioxarrak baino gehiago izatea lortu dute. Lehen zati erdian, epailea lesionatu egin da, eta geldiune horren ostean iritsi da etxeko taldearen erreakzioa. Atsedenaldira markagailuan aurrea harturik heldu dira, eta bigarren zatian aldea handitu dute (28-8).
Hemen partidu amaieran, Xabi Gardoki kapitainak egindako irakurketa:
"Partidutik kanpo hasi gara, nahiz eta igartzen genuen eurek baino gehiago ginela. Epaileari lesioagatik etenaldia izan da, gure artean hitz egin dugu, eta atsedenaldia baino lehen aurretik jarri gara entsegu bati esker. Bi taldeak bi garaipenekin geunden, beraz, oso garaipen garrantzitsua eskuratu dugu gure pare arituko den talde baten aurka".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.