1996an taldea sortu zenetik ez dira gaur arte sekula irten. 10 eta 14 urte arteko gaztetxoek, lotsak funda barruan sartu, eta kalera atera dira egubakoitz arratsaldeari musika apur bat jartzera. Arbolapetan hasi, Seber Altubetik pasa eta Herriko Plazan amaitu dute biratxoa, txokolate beroarekin eta gaiteroen doinuekin.
"Normalean nagusien banda ateratzen da kalejiratan, baina gaur, lehen aldiz egin dugu aproba gazteekin. Oso maila ona dute, eta oraindik gazteegiak diren arren, oso ondo ikusi ditut" adierazi Edorta Aiastui Arrasate Musikaleko ekintza arduradunak.
"Arratsalde pasa polita izan da, eta amaieran jende ugari gerturatu zaigu. 100 lagunentzako txokolatea prestatu dugu, eta segituan agortu da. Ez da tantaka bat ere geratu. Gazteak pozik, gurasoak pozik, eta baita irakasleok ere".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
