Bestalde, langabeek, gutxienez, 2017ko urtarrilaren 1etik aurrera Arrasaten erroldatuta egon beharko dute, eta enpresa onuradunek Arrasaten kokatuta egon beharko dute.
Diru laguntzen zenbatekoa kontratu bakoitzeko aldagarria da, lan jardunaren arabera: %50eko jardunetarako 1.125 euro eta %100eko jardunetarako, berriz, 2.250 euro. Bestalde, kontratuak iraupen mugagabekoak diren kasuetan, %20ko diru laguntza gehigarria jasoko dute. Informazio zehatzagoa nahi dutenek udal webgunean eta BAZen jaso dezakete.
