Egunotan egiten diren Black Friday edota Ciber Monday bezalako egunen aurrean, Elaik eta Parrokiako Koruak Fair Saturday mugimendu kulturala bultzatu nahi dute. Ekimena herritarren parte-hartzean dago oinarrituta, eta justizia soziala eta hausnarketa ditu helburu. Hego Euskal Herrian lehen aldiz 2015ean egin zen, eta Arrasatek lehen esperientzia horretan parte hartu zuen, baita iazkoan ere.
Zapatuko kontzertuarekin batuko den diru-laguntza Arrasateko Caritasera bideratuko da. Kontzertuko antolatzaileek azpimarratu dutenez, "Arrasateko Caritasek, Bidean egitasmora diru-laguntza handia bideratu duenez, arrasatearren aldetik normalean baino laguntza ekonomiko handiagoa behar da".
Parrokiako korua 50 abeslarik osatzen dute, eta Gurutze Uribarren da koruko organista nagusia. Honako piezak abestuko ditu:
Veni Sancti Spiriti (W.A. Mozart)
Kyrie (Meza Regina Pacis – Pietro Yon)
Gloria (Meza Regina Pacis – Pietro Yon)
Sanctus-Benedictus (Meza Regina Pacis – Pietro Yon)
Agnus (Meza Regina Pacis – Pietro Yon)
Pange Lingua (Tomás Luis de Victoria)
Ave Maria (Jesus Guridi)
Azken kantu hori Parrokiako Koruko emakumeek abestuko dute, eta ondoren Elaik bost kantu abestuko ditu:
Larre Berrian (David Azurza)
Let the river run (Carly Simon)
Aleluia (Leonard Cohen)
Wherever you will go (Aaron Kamin & Alex Band)
Vois sur ton chemin (B. Coulais)
Kontzertuari amaiera emateko, bi koruek ahotsak batuko dituzte:
Tu es Petrus (Hilarión Eslava)
Haleluia (Haendel)
Santa Zezilia
Santa Zezilia egunaren harira, Parrokiako Koruak domekako meza nagusian abestuko du. Abestuko dituztenak:
Regina Pacis (Pietro Yon)
Mezako motetak
Ekitaldiaren ostean, Parrokiako Koruko partaideek Mondragon hotelean bazkaria ospatuko dute, Santa Zezilia egunagatik.
Azaroaren 30ean Gasteizera
Bestalde, datorren ostegunean, Parrokiako Koruak meza bat abestuko du Gasteizen, San Andres parrokian, santu horren eguna dela eta. Goio Eskibel da bertako parrokoa, hainbat urtetan Arrasateko San Viatorren irakasle jardun zuena, viatoristen Vatikanoko ordezkari aritua eta urtero Arrasateko Errege Kabalgatan parte hartzen duena.
Parrokiako Koruak honakoak abestuko ditu:
Alaitasuna munduan (Georg Friedrich Händel)
Regina Pacis (Pietro Yon)
Mezako motetak