Bi lagun anfitrioiek zein otorduko dinamizatzaileek goiz ekin diote bazkari berezi honen menua prestatzeari. Bazkariko garrantzitsuena bazkalondoa izango zela argi izan arren, gustuko dituzten platerak behar bezala prestatu nahi zituzten.
Batzuek patatak zuritzen zituzten bitartean, besteek entsalada prestatzen zuten, baina guztiek galdera bera zuten buruan. Zertaz hitz egingo dugu ezagunak zaizkigun bi pertsonarekin? Ia konturatu gabe bazkalordua iritsi da eta Oussama nahiz bere laguna unibertsitate ingurura heldu dira. Lehen uneetan guztiak urduri egon arren, eseri bezain pronto hitz egiten hasi dira. Ohiturak, bizitakoak, ametsak... hamaika izan dira mahaiaren bueltan komentatu dituzten gaiak.
Ostera ere, argi geratu da, batzen gaituenak ezberdintzen gaituenak baino indar handiagoa duela.