Eibarko Hizkuntz Eskola Ofizialaren gela desplazatu bat Arrasatera ekartzeko akordio lortu berri du Udal gobernuak. Hala frantsesa, ingelesa eta alemana ikasteko aukera izango dute arrasatearrak, eta baita bailarako biztanleek ere.
"Arrasaten urtetan eskari historiko bat izan da Hizkuntza Eskola Ofiziala izatea. Bide horretan, Eusko Jaurlaritzako Hizkuntza Sailarekin bildu eta hitz egin ostean, datorren ikasturteari begira Eibarko Hizkuntza Eskolako hiru gela desplazatu Arrasatera ekartzea lortu dugu" adierazi dute Udal gobernutik.
Horretarako, Udaletik azaldu dutenaren arabera, datozen hilabeteotan gela horiek kokatzeko lekurik aproposena bilatuko dute. “Aurrera pauso honekin Udalaren nahia izan da hizkuntzak ikasteko aukera Arrasate zein inguruko herrietako biztanleei hurbiltzea eta horretarako ahalik eta erraztasun gehien ematea”.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
