Udaletxeko espainiar banderari su eman diote bart gauean

Ekintza egin dutenek bidalitako argazkia

Ezezagun talde batek hartu du ekintza bere gain, eta adierazi dute "hamarkada asko dira Arrasaten Espainiako bandera monarkikoa guztiona den Udaletxean eskegi ez dela, eta ez dugu onartuko atzera pausorik". Gaur goizean bandera berri batengatik ordezkatu dute ezezagunek kendutako eta erretako bandera.

Bandera berria jarri izanaren gainean zera adierazi dute egileek komunikabideetara bidalitako oharrean: "Era horretan, herritarren artean espainiar bandera ipintzeko erabakiak sortzen duen mespretxua estali nahi izan dute, baina ez dute lortuko herritar gehienen ahotsa hain erraz isiltzerik".

Mezuaren amaieran desobedientziaren alde egiteko eskatu diete Udalbatzan ordezkaritza duten alderdi abertzale eta antimonarkikoei. "Udaleko alderdi abertzale eta antimonarkiko guztiei dei egiten diegu, ikur inposatuei desobedientzia egin diezaioten eta eredu eman dezaten. Independentzia da gure hautua".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.