Mojategiko atletismo guneko hareazko zuloa bete dute

Xabier Urtzelai 2017ko aza. 14a, 09:27
Mojategiko atletismo zulora harea botatzen.

Mojategiko atletismo pistetan mantenu lanak egin dituzte asteon. Eta, luzera saltoa edo salto hirukoitza egin ahal izateko erabiltzen duten hareazko zuloan egin dituzte lanak. 4.000 kilo hondar fin erabilita bete dute, berriro ere, zuloa.

"Zortzi urte nahikoa dira hareazko zuloko hondarra hustutzeko. Denborarekin haizeak, edo etletek eurek poliki-poliki harea eramaten dute, eta zuloa erdi-hutsik zegoen. Horrek arriskutsu egiten du kirol jarduera horren praktika, eta lau mila kilo hondar-fin botata konpondu da hori", adierazi du Fernando Zufiriak.

Bada, zapatuan bertan estreinatuko dute atletek txukundutako zulo berria, Mojategin egingo dituzte-eta parte-hartze libreko saioak. Luzera salto mistoa, eta pertika salto mistoa egingo dute atleta federatuek, eurei zuzendutako saioak dira-eta: "Saio horien helburua da txapelketetan egon ahal izateko atletek behar dituzten gutxieneko markak egiteko aukera ematea". Bada, atletak denboraldi hasieran daude, eta oraindik ez dago konfirmatzerik zenbat atleta izango diren.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak