Garagartzako guneak duen kontsumo maila altua ikusita, 20.000 euroko diru partida erabili nahi du Udal gobernuak kontrol sistema bat ezartzeko. Emandako datuen arabera, azken hilabetean, asteburuko 20.000 eta 30.000 litroko kontsumoa egon da, eta astegunetan, aldiz, eguneko 6.000 litroren bueltakoa.
"Garagartzako gunearen kontsumoa handiegia da. Erabiltzaile askok neurriz erabiliko dute, baina beste batzuk ez dute egoki erabiltzen" adierazi du Ibon Arrupe Hirigintza, Ingurumen eta Mugikortasun zinegotziak.
20.000 euro horiek kontrol sistema bat ezartzera bideratuko dira. Zein sistema mota izango den ez dago oraindik zehaztuta, baina ziurrenik zabor txartelaren antzerako sistema ezarriko da. Hala, erabiltzaile bakoitzak litro kopuru mugatu bat izango luke, berak nahieran erabiltzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
