"Kontzertu elegantea izan zen, eta talde osoa oso ondo egon zen", dio Arrasteko Kultura teknikari Karmelo Alberdik. Izan ere, askorendako Ruper Ordorikaren emanaldi batera joatea apustu segurua da, eta oraingoan ere oñatiarrak ez zien hutsik egin Amaia Antzokian bildutako arrasatearrei zein inguruko herrietatik etorritako jendeari.
Aurrez aipatu bezala, azken laneko hainbat abesti jo zituen Ordorikak eta haren taldeak taula gainean, baina, horiez gain, bere kantu zaharragoak, ezagunenetarikoak ere eskaini zituen, dagoeneko klasiko bilakatu diren horiek, Alberdik dioen moduan. Hala, jendea ezin gusturago egon zen ordu eta erdi inguru iraun zituen emanaldian. Publikoak merezitako txalo zaparradarekin agurtu zuen taldea.
