2017ko ustekabeko handiena eman duen artista gisa definitu du kritikak Nathy Peluso musikari argentinarra. Atzo Arrasaten izan zen, Gaztemaniak programaren barruan eta ez zuen hutsik egin. Kalitate handiko kontzertua egin zuen Pelusok. Nizuri Tazuneri Trap proiektuak hasi zuen kontzertua Amaia antzokiko hallean. Ondoren egin zuen Pelusok berea.
Diziplina anitzeko artista da Peluso; bere oinarria, bere sustraiak musika beltza dira… swing-a, jazz-a, blues-a eta antzerkia, horiek inguratuta hazi zen; eta adar zaharragoei ere heltzen die, erritmo afrikarrei edota dunbal eta txindata erritmo soil bati. Gutxika-gutxika hip hop musikara heldu zen, eta erabat bere egin zuen: zehatz eta malgu bihurtu zuen, dantzagarri, letra abstraktu, magiko eta originalak, sintetizatzaileak eta baxu eta ahots-sampler apartak lagun.
Nizuri Tazuneri proiektuak eman zion hasiera musika saioari. Bi lan dauzkate jada kale eta sarean; Japanesence (2014) eta Musika ala hill (2017), biak euskaraz. Eraberritzea eta tradizioa dira talde fresko honen zutabe nagusiak, eta beren zuzeneko emanaldietan ez dute inor hotz uzten.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak