Mondragon Linguak antolatutako Topaketalk jardunaldien baitan, Mount hizkuntza izenarekin, elkartuko dira Alberto Iñurrategi mendizale aretxabaletarra eta Xabier Leibar medikua Arrasateko Kulturaten, martitzenean, urriaren 17an (19:00). Mendiaren, kirolarien prestakuntzaren eta beste gai askoren gainean jardungo dute.
Errendimenduko kirolaren bueltan bizi diren bi lagunen arteko solasaldia izango da. Basque Team-eko zerbitzu biomedikoen arduradun izan da Leibar eta gaur egun Espainiako Olinpiar Batzordearen Kiroleko goi-errendimenduko masterra ematen du. Azken urteetan atleten prestakuntza fisikoak izandako bilakaeraren inguruan egingo du berba Iñurrategirekin.
Edonorendako izango dituzte ateak zabalik baina aurrez izena eman beharra dago: Mondragon Lingua.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.