Droga trafikoarekin lotutako talde antolatu bat desegin du Polizia Nazionalak

Espainiako Polizia Nazionalak jakinarazi duenez, Gipuzkoan jarduten zuen ustezko droga trafikatzaile-talde bat desegin du. Ustezko kriminalak "ondo egituratuta" eta Arrasaten, Donostian eta Pasaian zeuden finkatuta. Sei atxilotu egon dira eta bi etxebizitza miatu dituzte; horietan heroina, kokaina, haxixa, marihuana eta speed-a aurkitu dituzte.

Atxilotuei osasun publikoaren aurkako delitu bat, droga trafikoa, eta Gipuzkoako herri ezberdinetan, batez ere heroina banatzen duen trafikatzaile-talde bateko kide izatea egotzi die Polizia Nazionalak. Atxiloketak Polizia Judizialaren Donostiako Brigada Probintzialak egin ditu.

Ustezko kriminalak Arrasaten, Pasaian eta Donostian zeuden finkatuta, eta taldea ondo egituratuta zegoen; partaide bakoitzak bere zereginak zituelarik.

Miaketetan droga ezberdinak konfiskatu ditu Poliziak: heroina,  253 gramo; kokaina, 10 gramo; haxixa, 20 gramo; marihuana, 50 gramo eta speed-a, 6,7 gramo. Honetaz gain, eskudirua, aire konprimatuko pistola bat, pistola elektriko bat eta salmentarako eta pisaketarako tresnak aurkitu dituzte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.