Bigarren gonbidatua Los Amantes taldea izango da. Castelloko taldea da eta eskarmentu handiko hiru musikarik osatzen dute. Patricia abeslaria Los Romeos talde mitikoko liderra izan zen, eta gainontzeko bi kideak Castelloko punk-rock eszenan trebatutakoak dira.
Hirukoteak power-pop generoa lantzen du; hau da, melodia handiko rock gitarra-zalea. Bira honetan, Shock Treatment taldeko Cockyrekin grabatutako Open 24 hours izeneko hirugarren diskoa aurkezten ari da hirukote valentziarra.
Emanaldia bihar, eguena, izango da Arrasateko gaztetxean, 22:00etan. Sarrerak bost euro balioko ditu, betiko moduan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
