Maritxu Kajoi jaiak bizikleta-zale askorengan utziko duen biharamunari aurre egiteko proposamenarekin datoz Besaide mendi elkarteko lagunak, domekan –urriak 8– egingo dute-eta Mondranbike martxa. Aurtengo nobedadea da irteera eta helmuga Seber Altuben izango dela (09:00), eta ez Musakolako kiroldegian.
Urtero moduan, ondo landutako ibilbidea izango du martxak, tramu batzuek zailtasun teknikoa izango dute –enduro deritzonak–, baina horiek jaisteko alternatiba errazagoak aurreikusi dituzte antolatzaileek. Ibilbide luzeak 30 kilometro izango ditu (1.600 metroko desnibela) eta motzak 25 kilometro (1.600 metro).
Domekan bertan izena emateko aukera egongo da, 08:00etatik 09:00ak arte, 15 euro ordainduta, Seber Altuben.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.