Arrasateko erretiratuek urriaren 18an, eguaztena, hainbat ekintzez gozatzeko aukera izango dute, Abaroa erretiratuen egoitzak antolatutako irteerari esker. Hotel Irache-n hasi eta amaituko dute eguna, eta tartean, Los Tesoros de Bartolo enpresa eta Lizarra ezagutzeko aukera izango dute.
Urriaren 18an, bi autobus joango dira Arrasatetik Hotel Irache-ra. Bertan, hamarretakoa egin ostean, Los Tesoros de Bartolo kontserba-enpresa berria bisitatuko dute, eta ondoren Lizarra ezagutzeko aukera izango dute. Bazkalorduan Hotel Irache-ra itzuliko dira, eta jan ostean, Superbingo-an jokatu eta dantzaldia egongo dira. Amaitzeko, irteeran parte hartu duten guztiek oparia jasoko dute.
Izen ematea
Urriaren 9an, astelehena, 10:30ean eman beharko da izena. Aste bat beranduago, hilaren 16an, bidaia txartelak banatuko dira 11:00etan. Pertsonako 34 euro ordaindu beharko dira.
Libre gelditzen diren txartelak Arrasateko beste erretiratuen elkarteek eskatu ditzakete.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
