Kaleko ibilbidea
Euskal Herria plazan hasi zuten ibilbidea, eta handik txoko ezberdinetara jo zuten hainbat jolas egiteko: Zaldibar, Biteri plaza, Herriko Plaza, Seber Altube eta amaitzeko Okendoko ludotekara joan ziren. Amaitzeko amets harrapakaria egin bitartean, merienda osasuntsuaz gozatzeko aukera izan zuten parte-hartzaileek.
Antolatzaileak gustura daude gerturatu zen jende kopuruaz, eta ludoteken zabalkundea "arrakastatsua" izan dela adierazi dute.
Hurrengo astean
Irailaren 26an, eguaztena, izango da Usaetxeko ludotekako zabalkundea; San Andres auzoa, Arimazuri eta Munar inguruan irtengo dira kalera. Bestalde, irailaren 29an, egubakoitza, Santamainako ludoteka ezagutzeko aukera egongo da. Santamaina eta Musakolako auzoak girotzen arituko dira.
Txatxilipurdiko lan poltsa
Txatxilipurdi elkarteak bertan lan egiteko interesa duten guztiekin lan poltsa bat sortu nahi du. Arrasateko udal ludoteka eta gaztetxokotan ordezkapenak egiteko litzateke, aisialdiko hezitzaile moduan.
Lanpostuaren ezaugarriak:
-
Ludoteka eta gaztetxokotan hezitzaile lanak burutu
-
Haur eta nerabeekin harremanak sortu
-
Lan hezitzaile eta euskalduna burutu
Kontutan hartuko da:
-
Euskarazko EGA titulua edo baliokidea izatea
-
Begirale titulua izatea
-
Arrasate edo ingurukoa izatea
-
Antzeko lanean esperientzia izatea
-
Talde lanean lan egiteko gaitasuna
-
Lanerako prestutasuna
-
Euskara Elkarte edo euskalgintzako beste erakundeetan izandako esperientzia
-
Herrigintzan izandako ibilbidea
Eskaintzen den lanaldia:
-
Ordezkapenak egitea:
-
Ludoteka: astelehenetik ostiralera. Arratsaldez.
-
Gaztetxoko: astean zehar eta asteburuetan. Arratsaldez
Aurkeztu beharrekoa:
-
Bidali curriculuma helbide honetara: (idazkaritza@txatxilipurdi.com)
-
Ludotekan edo gaztetxokoan lan egiteko lehentasunik izanez gero, zehaztu ezazu emailean.
Harremanetarako telefonoa: 943 79 54 46.
