Udako oporretako geldialdiaren ostean, Amaia Udal Antzokiko aretoko zinema emanaldiei ekingo diete berriro aste bukaera honetan.
Hala, zapatuan bi emanaldi egongo dira, 19:30ean eta 22:00etan, biak ala biak Christopher Nolanen Dunkerque filmarenak. Drama generokoa da eta 12 urtetik gorakoei zuzenduta dago. Domekan, 19:30ean, film horren beste saio bat izango da, eta astelehenean ere bai (20:30).
Umeendako eskaintzari dagokionez, Gru 3: Mi villano favorito emango dute zapatuan, 17:00etan, eta domekan, ordu berean.
Hurrengo asteburuan, helduendako Kingsman: Círculo de oro filma emango dute eta umeendako, berriz, Emoji.
